ЖАСТАР ІСТЕРІ ЖӨНІНДЕГІ КОМИТЕТ

Жастар істері жөніндегі комитет студент жастардың мүдделерін жан-жақты қолдауды ұйымдастыру мақсатында, сондай-ақ жастар саясаты саласында өзін-өзі басқару принциптерін іске асыру үшін құрылған.

Негізгі мақсаттары:
– ҚР мемлекеттік жастар саясатын іске асыру, Қазақ ұлттық хореография академиясында білім алатын студент жастардың жан-жақты дамуы үшін жағдайлар жасау, олардың рухани әлемін, ой-өрісін, және ерік күшін жетілдіру, әлеуметтік мәртебесін, саяси және құқықтық мәдениетін арттыру.

ЖІК қызметінің негізгі бағыттары:
– ҚР мемлекеттік жастар саясатын іске асыру бойынша іс-шаралар өткізу, студент жастар құқықтарының сақталуы мен әлеуметтік қорғалуын қамтамасыз ету;
– қоғамдық-саяси, адамгершілік, этномәдени тәрбие және салауатты өмір салтын насихаттау бойынша іс-шараларды ұйымдастыру;
– студент жастар арасында діни экстремизмнің, құқық бұзушылықтардың алдын алу және сыбайлас жемқорлық көріністерімен күрес бойынша іс-шараларды өткізу;
– ғылыми-зерттеу жұмысын ұйымдастыруға, ғылыми конференциялар, олимпиадалар, байқаулар, ең үздік оқу топтарын, жатақхана бөлмелеріне конкурстар өткізу;
– студенттік өзін-өзі басқару (студенттер жиналыстарында) жұмысына қатысу, Академияда студенттік өмір мәселелері бойынша бірлесіп шешімдер қабылдау;
– Академия жастарына қатысты проблемаларды қарау және шешу үшін отырыстар өткізу.

ЖІК өз қызметін жұмыс жоспары негізінде жүзеге асырады.

ЖІК жұмысын Академияның тәрбие жұмысы және әлеуметтік мәселелер жөніндегі бөлімінің басшысы үйлестіреді.